Një përplasje për arsye të parëndësishme ka degjeneruar në dhunë mbrëmjen e sotme në qytetin e Korçës, duke lënë të plagosur dy persona.
Ngjarja u regjistrua rreth orës 21:30, në lagjen nr. 1, në ambientet e një lokali. Gjatë konfliktit, shtetasit Sotiraq Shkurta dhe Mihal Xhibro janë goditur me mjet prerës dhe u dërguan menjëherë në spital, ku ndodhen jashtë rrezikut për jetën.
Policia ndërhyri menjëherë në vendngjarje dhe shoqëroi në Komisariat tre shtetas të tjerë të dyshuar si autorë të plagosjes: Ilir Shuku, Dritan Pine dhe Gersi Dervishi.
Aktualisht, grupi hetimor nën drejtimin e Prokurorisë po vijon punën për zbardhjen e plotë të rrethanave dhe përcaktimin e përgjegjësive ligjore.
