Situata në qarkun e Korçës paraqitet në përgjithësi normale për këtë paradite.
Përgjatë natës ka pasur reshje shiu me intensitet në të gjithë territorin e qarkut Korçë shoqëruar me erë ndërsa aktualisht intensiteti është i ulët.
Në bashkinë Kolonjë ka patur raste të shkëputjes së çative të tre banesave në fshatin Kamnik dhe Barmash dhe bashkia po merr masat. Është duke u vlerësuar ndërhyrja edhe në një rrugë fshati të dëmtuar nga një rrëshqitje në segmentin që lidh fshatin Gjonç me fshatin Borovë.
Nuk ka patur situata të vështira të prurjeve të materialeve inerte në segmentet rrugore, përveç një situate të krijuar në aksin rrugur te ura në afersi të fshatit Panarit, ku bashkia është duke ndërhyrë aktualisht. Strukturat e Emergjencave Civile dhe subjektet kontraktore janë në gatishmëri për mirëmbajtjen.
Ka ndërprerje të energjisë elektrike në fshatrat Vithkuq, Panarit, Voskopojë të Bashkisë Korçë, fshatra të Njësisë Administrative Gorë, Bashkia Maliq, dhe fshtra të Njësisë Administrative Dardhas të Bashkisë Pogradec.
Grupet e punës janë aktualisht në terren dhe po punojnë për riparimin e defekteve.
