Reshjet e dëborës vazhdojnë në zonat malore duke rënduar qarkullimin e mjeteve në pjesën më të madhe të këtyre zonave
Vështirësi në qarkullim ka në fshatra të njësive administrative Moglicë e Lozhan në bashkinë e Maliqit, Vithkuq e Lekas në bashkinë Korçë, fshatra të Devollit të Sipërm si dhe fshatra të njësive administrative Proptisht, Trebinjë, Dardhas në Bashkine e Pogradecit.
Probleme me energjinë elektrike ka në 12 fshatra të njësise administrative Proptisht ndërkohë që ndërprerje të herëpashershëm ka pasur e ne fshatra të tjerë.
Te gjithë rrugët nacionale paraqiten pa probleme ndërkohë që në rrugët e fshatrave turistik të Voskopojës e Dardhës, policia u kërkon drejtuesve të mjeteve përdorimin e gomave dimerore.
Shumë e vështirë paraqitet situata në aksin rrugor Vithkuq- Shtyllë – Panarit pasi trashësia e dëborës në majë të Mashkullores ka shkuar deri në 40 cm
