Projekti i Gazifikimit të Korçës është një nga projektet më të mëdha që pritet të nisë nga puna shumë shpejt.
Sot konsulentët e nënkontraktuat nga kompania SOCAR kanë qenë në bashkinë e Korçës për të diskutuar me specialistët e bashkisë për t’i dhënë zgjidhje problemit të ngrohjes në qytetin e Korçës.
Ka qenë kryetari i bashkisë, Sotiraq Filo, ai i cili ka njoftuar mbi këtë takim të rëndësishëm.
Kompania SOCAR po punon me hapa të shpejtë jo vetëm për hartimin e fizibililitetit nga ana teknike por edhe për konkretizimin e projektit.
Njoftimi në facebook;
FILLON SË SHPEJTI GAZIFIKIMI I KORÇËS
Po punohet me hapa të shpejtë për konkretizimin e një prej projekteve më madhore të Bashkisë Korçë.
Zhvilluam sot një takim me konsulentët e nënkontraktuar nga Kompania SOCAR, të cilët po punojnë për hartimin e studimit të fizibilitetit nga ana teknike, për t’i dhënë më tej një zgjidhje përfundimtare problemit të ngrohjes së qytetit.
