Para 62 vitesh Silvia Skënderi do të ishte nxënëse e klasës së parë në godinën e shkollës së parë shqipe në Korçë e sot ajo rikthehet në 7 Mars për të kujtuar përsëri fëmijërinë e saj.
“Kam qenë nxënëse në klasën e parë fillore nga viti 1963 deri në klasën e tretë fillore. Pastaj vazhduam në mesenjtoren e parë shqipe në godinën e re, e kjo godinë u kthye në muzeum. Mësuese Pandora Rushi kurse violinë me bënte Vaskë Kolaci. Ishim me instrumenta, nxënësit konkurronin fillimisht e më pas pranoheshin. Ishte shkollë e përgjithshme dhe muzike”– tha Silvia Skënderi.
Silvia vjen çdo 7 Mars pasi nostalgjia e rikthen, e sot shpreh mirënjohjen e saj ndaj mësuesve të parë të saj.
“Vij çdo 7 Mars kam nostalgji për vitet e para të shkollës e për ata mësues që na kanë edukuar, me bene te dashuroj profesionin e mësuesit e ta çoj me tej si misionare e edukuese, jam ekonomiste kontabël, 15 vite punova në eksperiencë tja kaloja nxënësve në ekonomi” – shtoi Silvia Skënderi.
Për këtë 7 Mars në ABC-ja u shfaq një ekspozitë me fletore të vjetra ndërsa është ekspozuar edhe regjistri fillor femëror, i cili ka qenë nga viti 1923-1950.
“Janë regjistra që ekspozohen për herë të parë. Është e rëndësishme të theksojmë se këto shkolla kanë kultivuar vetëdije kombëtare dhe fuqizimin e gruas në shoqëri. Korça ka qenë pararojë e shkollës së parë shqipe këto shkolla femërore tregojnë rëndësinë e edukimit në Korçë” – u shpreh Jorida Tollkuci, Drejtoresha e Bibliotekës” Thimi Mitko “Korçë.
“Vijnë për herë të parë Fletoret e para, me rastin e 138 vjetorit të shkollës së parë shqipe, janë fletore shkrimi, fletore vizatimi, bukur shkrimi, matematike. Janë fletore personale dhe është koleksion i madh, rreth 200 fletore nga 1925 deri në 1990″ – tha Migren Shamblli, koleksionist.
Shkolla e parë shqipe ka pritur me qindra vizitorë në ditën e mësuesit ndërsa ka patur e nga ata që janë rikthyer pas dhjetëra vitesh në ish shkollën e dikurshme të tyre.
