Situata e krijuar përgjatë javëve të fundit në Universitetin e Korçës pas vendimit të senatit që ai ti bashkohej Tiranës si filial ka bërë që Korça, qytetaria, intelektualë, ojf dhe institucione të reagojnë ashpër kundër këtij vendimi. Ndërkohë këtë mëngjes Ministrja Evis Kushi ka mbrritur në këtë universitet e shoqëruar edhe nga Ministri i Mbrojtjes njëkohsisht edhe deputet Niko Peleshi. Ata po zhvillojnë një takim me dyer të mbyllura me pedagogët dhe drejtues për të folur mbi situatën e universitetit dhe për të diskutuar zgjidhjet që propozohen në mënyrë që Fan Noli të vijojë të jetë një universitet më vete. Në fund të takimit ministrja do të ketë edhe një deklaratë për mediat për të bërë me dije edhe hapat që do të ndërmerren për të bërë të mundur vijimësinë e Fan Nolit, i vetëm, autonom, aty ku ka qenë dhe siç ka qenë.
