-Nëna, erdha për ty sot, ma treguan për ty dhe erdha me vrap
“Mirë bëre që erdhe o bir, po mos më thuaj “Nënë”. Nuk kam lindur ndonjëherë fëmijë. Nuk e ndjeva ndonjëherë atë fjalë. Im shoq vdiq i ri ”
-Epo, ja sot u bëra unë yt bir. Të kam sjellë disa gjëra të festosh vitin e ri.
“Rrofsh o bir. Po unë fle gjithmonë që në 6. Nuk kam prej vitesh festë. Ngaqë nuk kam të ha. E sot sesi më duket.”
-Epo sot ja, do festosh. Ke çfarë të hash
“Po a mund të bëni të ketë çdo ditë Vit të Ri t’u bëftë Shega? Kështu më sillni e të ndonjë gjë”
Nëna, dru paske plot.
“Ngjitem në mal. Me këmbë e duar. Zvarrë i tërheq. Do të ngrohet njeriu. Nuk del shpirti kollaj jo. I kam thënë njerëzve poshtë, unë do vdes në mal. Të gjithë do qajnë për mua. Unë i dua të tërë, por asnjë s’më do. Kur të vdes, do më duan.”
-Nënë, gëzuar vitin e ri. Zoti të dhëntë shëndet e jetë.
” Mbret u bëfsh o bir. Po mos harro, njeriu nuk rroka për bukë. Rron për dashuri ”
Dita e fundit e 2023, Goskovë e Sipërme. Korçë!
