Nga Tonin Frroku
Skënderbeu U-19 pret me emocion shortin e UEFA Youth League, që do të hidhet më 2 shtator. Një ëndërr europiane e re nis për korçarët e rinj, që synojnë të përfaqësojnë denjësisht klubin bardhekuq dhe qytetin e tyre në një tjetër skenë ndërkombëtare.
Burime zyrtare bëjnë me dije se ndeshjet e turit të parë do të zhvillohen më 16 dhe 23 shtator. Deri atëherë, çdo ditë është një etapë përgatitjeje dhe përkushtimi.per ekipin qe tashme eshte ne faze pergaditore.
Preidenti Ardjan Takaj ka vënë në dispozicion të trajnerëve Osmanllari, Çajku dhe Vieros një grup cilësor futbollistësh, vendas dhe të huaj, me objektivin e qartë: të kalojnë katër ture europiane dhe të shkruajnë histori, si dikur me ekipin e parë.
Ky është Skënderbeu që beson, që investon, dhe që e sheh të ardhmen në sytë e të rinjve. Sepse kur zemra është bardhekuqe, nuk ka moshë për Europën.
Pas U-19 edhe për Takaj është rradha e të rriturve për tu rikthyer dhe një herë tjetër te historia e madhe europiane.
