Pas dy ndeshjeve të brendshme me ekipin U-19, Skënderbeu do të zbresë për herë të parë në fushë për një test miqësor zyrtar në prag të sezonit të ri. Kundërshtari? Një emër i njohur për korçarët, Struga, ekipi nga Maqedonia e Veriut i drejtuar nga legjenda e bardhekuqve, Bledi Shkëmbi.
Përballja do të luhet këtë të shtunë, më 26 korrik, në orën 19:00, në stadiumin e Skënderbeut, dhe për herë të parë do të ketë edhe publik në shkallë, me pritshmëri për një pjesëmarrje të konsiderueshme.
Kjo sfidë shënon nisjen e fazës zyrtare përgatitore të skuadrës së trajnerit Ernest Gjoka, i cili do të ketë rastin të testojë lojtarët në kushte gare dhe të prezantojë për herë të parë versionin e ri të ekipit të kategorisë së parë.
