Përgjatë viteve të fundit pushuesit vendas dhe të huaj janë mjaft përzgjedhës edhe sa i përket kulinarisë që ofrojnë zonat turistike. Në Pogradec krahas natyrës, liqenit dhe çdo mundësie tjetër, një nga elementët kryesorë tërheqës është edhe kulinaria. Në këtë shkrim të shkurtër do ju sjellim në vëmendje një restorant të ri si Sofra Edon, i cili duhet të jetë patjetër në listën tuaj të restoraneve kur të jeni në Pogradec.
Sofra Edon është një sipërmarrje e dy vëllezërve binjakë të cilët kanë përfunduar studimet e larta për menaxhim turizmi. Pas një eksperience të gjatë si kamarierë, kryekamarierë dhe menaxherë të hoteleve dhe restoranteve në Pogradec, ata guxuan të hapnin vetë një ambient shërbimi, ku të shpalosnin aftësitë e tyre duke ndërthurur tradicionalen dhe modernen.
“Ishte sipërmarrje e madhe për ne, ishim të rinj pa shumë buxhet, por nisur nga eksperienca jonë menduam që mund të bënim vetë një sipërmarrje të tillë duke hequr kështu dorë nga largimi jashtë shtetit” thotë njëri prej vëllezërve.”Menduam të vendosemi përgjatë rrugës Pogradec Drilon, si një zonë pak e zhvilluar në drejtimin e restoranteve, menduam gjithashtu të sjellim një menu të pasur dhe të ndërthurur.
Nisur nga fakti që Pogradeci tashmë është 4-stinor ne menduam që edhe atë që preferohet më shumë nga të gjithë Tavën e Koranit, ta sjellim të gatuar në 4 stinë. Kjo realizohet si tavë me prodhimet e çdo stine dhe është mjaft e pëlqyer. Jovetëm restorantin, por ata kanë krijuar edhe një fermë të vogël, e quajnë baçë nga Pogradeci. “Njerzit janë prirur shumë pas ushqimit bio ndaj duke qenë se ne ofrojmë shërbim restoranti menduam që edhe prodhimet ti kemi nga baça jonë dhe prej saj ne furnizojmë pothuajse të gjitha prodhimet që duhen në restorant, sigurisht përveç peshkut”(qesh)
Si një restorant jo më shumë se 2 vjeçar, ata janë të kënaqur. Kanë marrë vlerësimet maksimale nga klientët për ushqimin, tavat por edhe specialitetin e tyre të sofrës me produkte të ndryshme të mishit dhe brumit.”Jemi shumë të kënaqur, sigurisht që e mira nuk ka fund, por ne deri më tani kemi arritur shumë. Në verë jemi plot, fundjavat në pranverë, vjeshtë e dimër kanë qenë tepër të kënaqshme.Jemi të lumtur që kemi sjellë një shembull se si dy të rinj si ne, pa shumë buxhet sollëm një risi për turizmin në Pogradec duke u treguar të rinjve se me ide dhe pak lodhje mund të kenë biznesin e tyre.
Së fundmi kemi përfshirë edhe muzikën live me këngë qytetare si një kërkesë e pushuesëve dhe kështu ditë pas dite jemi duke plotësuar panoramën e plotë të kërkesave të tyre, prandaj nuk mbetet gjë tjetër veçse të na vizitoni dhe në fund të jepni vlerësimin për restorantin tonë, Sofrën Edon.
Sofra Edon është e vendosur në breg të liqenit përgjatë rrugës Pogradec-Tushemisht km 3
