Gjatë kësaj periudhe është harruar pak a shumë ekipi i volejbollit të femrave, për vetë faktin e zhvillimeve të fundit te futbolli i Skënderbeut, por tashmë vëmendja duket se do të rikthehet sërish te kampionet në fuqi dhe skuadrës super të Skënderbeut në volejboll për femra.
Për ditë më radhë, madje edhe në orët e fundit trajneri Orlando Koja në faqen e vet zyrtare në facebook ka prezantuar herë pas herë lojtaret e reja që kanë ardhur te Skënderbeu në këtë merkato, por që pritet edhe ndonjë afrim tjetër.
Së fundmi, Koja ka prezantuar Elisabeth Sandowall shtytësen anësore që i është bashkuar Skënderbeut dhe vjen nga Meksika. Madje Koja i ka prezantuar edhe me foto.
Më parë ishin prezantuar edhe Carolina Moreira duke i uruar mirëseardhjen në Korçë, ndërkohë që nuk mungonte as prezantimi i ukrainases Daryna Stanovova që do të jëtë edhe pasuesja në vendin e Fabiana Pesce.
Duket se edhe këtë sezon do të shikojmë një super Skënderbe dhe padiskutim pretendente për titullin kampion dhe me plot trofe të tjera që kanë si objektiv vajzat e rrjetës.
Sjellim listën zyrtare, të paktën deri në këto momente, që janë bërë publike pas afrimeve te Skënderbeu në volejboll për femra.
Suksese Skënderbeut të rrjetës, vajzave dhe stafit teknik:
Fabiana Pesce- pasuese
Daryna Stanovova- pasuese
Caroline Moreira- anësore
Nensi Miliku- anësore
Elisabeth Sandowall- anësore
Irsa Metanj- anësore
Sarà Malaj- qendër
Adela Prrenjasi- qendër
Elena Bego- diagonaliste
Kejda Kodra- diagonaliste
Anxhela Mehmeti- Libero
Haidi Xhengo – pasuese/ universale
