Teuta u është kthyer përsëri fitoreve në kampionat dhe e ka bërë përballë një rivali direkt për mbijetesën si Skënderbeut, në një sfidë që është cilësuar si në finale e mirëfilltë mes dy skuadrave.
Sfida është vendosur nga goli i Tomës që në minutat e parë të ndeshjes, një gol i cili u përjetua me polemika fillimisht nga vendasit për anulimin e tij nga kryesori e më pas nga miqtë për kthimin e vendimit pasi rishikimit të pamjeve me VAR.
Më pas, rastet për të shënuar ishin me pikatore, pasi të dy skuadrat nuk kishin qartësinë dhe saktësinë e duhur për të rrezikuar portën. Kështu, Teuta mori tre pikë që e largojnë nga fundi, duke lënë aty përsëri Skënderbeun.
TEUTA 1-0 SKËNDERBEU
11′ Toma
NGJARJET KRYESORE
90’+7’ Mbyllet ndeshja me fitoren 1-0 të Teutës.
90’+5’ Doka harkon në zonë, Vata kontrollon topin dhe më pas fiton faull pas përplasjes me Bismark.
90’+3’ Beshiraj dhe Kapllani hyjnë në fushë në vend të Tomës dhe Boçit.
90’ Jepen 5 minuta shtesë.
90’ Sabo kalon një top mbi mbrojtjen për Bismark, por Vila kupton gjithçka e largon rrezikun.
85’ Çuçka merr vendin e Lukinjas në radhët e Skënderbeut.
83’ Peposhi shfaqet i vetëm në zonë në të djathtën, diagonalja e tij nuk ka shënjestrën e duhur për të përfunduar në rrjetë në shtyllën e dytë.
81’ Trajneri Gjika ndëshkohet me karton të verdhë për protesta dhe e njëjta gjë ndodh edhe me Bismark.
79’ Skënderbeu ka një goditje dënimi pranë zonës në dispozicion, por harkimi i Lukinjas nuk është as pasim dhe as gjuajtje, me sferën që shkon jashtë.
69’ Sabo nis top në thellësi për Nasr, por ky i fundit nuk ia del të devijojë sferën para se të kalojë vijën fundore.
68’ Felipe hyn në fushë në vend të Nikajt në radhët e Skënderbeut.
62’ Lukinjas ndëshkohet me karton të verdhë pas një përplasje me Llocin.
60’ Estrela provon me një gjuajtje tjetër nga jashtë zonës, këtë radhë pa shënjestruar portën e Vatës.
57’ Pas një goditje dënimi të harkuar nga Kruja, Jazxhi gjuan me kokë në zonë dhe godet traversën, por më pas aksioni ndalet për pozicionin jashtë loje të mbrojtësit.
53’ Pas një goditje këndi, Nikaj gjuan nga e djathta por Vata kontrollon mirë katërkëndorin dhe mbërthen sferën.
46’ Çyrbja dhe Arifi i lënë vendin në fushë Gjinollarit dhe Peposhit në radhët e Teutës në startin e pjesës së dytë.
45’+5’ Mbyllet pjesa e parë me avantazhin 1-0 të Teutës.
45’+5’ Korçarët shënojnë me Bismark, por sulmuesi sinjalizohet në pozicion jashtë loje.
45’+2’ Korçarët pretendojnë për prekje topi me dorë në zonë pas një goditje dënimi, anësori sinjalizon për pozicion jashtë loje.
45’+1’ Edhe Boçi ndëshkohet me karton të verdhë për ndërhyrje të parregullt.
45’ Jepen 4 minuta shtesë.
42’ Një harkim nga e djathta gjen Nasr në shtyllën e dytë, gjuajtja e tij ndalet nga Vata i cili devijon në goditje këndi. (VIDEO)
41’ Estrela gjuan nga distanca, goditja është ballore dhe përfundon në duart e Vatës.
39’ Lukinjas gjen hapësirën në të majtën dhe gjuan, por nuk gjen portën e durrsakëve.
36’ Lloci ndëshkohet me karton të verdhë për një faull ndaj Sabo.
33’ Lukinja nis një pasim në zonë por Çyrba ndërhyn para Bismark e Dokës duke shmangur një rrezik para portës.
30’ Tentativë e Krujës nga ana tjetër në të djathtën, sfera shkon jashtë.
29’ Nikaj ka mundësi të artë teksa hyn në zonë dhe shmang dy mbrojtës në të djathtën, por pastaj nuk ia del të gjuajë dhe as Bismark nuk çon topin drejt zonës.
23’ Tre goditje këndi radhazi të korçareve të cilët janë hedhur në sulm në këto minuta, por në të gjitha rastet mbrojtja durrsake largon rrezikun pa lejuar gjuajtje drejt portës.
20’ Ka momente të vazhdueshme tensioni në fushë, pasi ndeshja është nervozuar që pas golit të akorduar me VAR.
17’ Vila është i ndëshkuari i radhës me karton të verdhë.
11’-16′ GOOOL TEUTA! Top në thellësi për Boçin i cili gjuan, gjen përgjigjen e Alias e më pas vjen Toma i cili në rrëshqitje godet duke shtyrë topin në rrjetë. Gjyqtari Doda anulon golin për faull, mes protestave të durrsakëve. Pas rishikimit tw pamjeve me VAR dhe rreth 4 minuta pritje ai ndryshson mendim dhe jep gol.
7’ Kruja tenton të gjejë Arifin me një harkim në zonë, prapavija korçarë largon rrezikun.
6’ Estrela ndëshkohet me karton të verdhë.
1′ Nis ndeshja.
FORMACIONET ZYRTARE
Teuta: Vata, Jazxhi, Maçolli, Boçi, Kruja, Kotobelli, Lloci, Toma, Çyrbja, Arifi, Vila
Trajner: Bledar Hodo
Skënderbeu: Alia, Prençi, Nikaj, Nasr, Dumfur, Sabo, Estrela, Doka, Shaqe, Lukinjas, Bismark
Trajner: Ernest Gjoka
