Në çdo fundvit, në shtëpitë kolonjare bëhet bakllavaja, e bashkë me të, dëgjohen dhe zërat e grave të shtëpisë që këndojnë teksa përgatisin ëmbëlsirën.
Një traditë e vjetër kjo, e cila ndodh në çdo sebep në krahinën e vjetër, në dasma, në natën e ndërrimit të viteve, në përgatitjen e ëmbëlsirave apo dhe përgatitjen e zahireve.
“Kolonja ka patur traditë, kur vinin nuset e djemve, kur bënim lakrorin, do këndonim një këngë. E vendosnim në maxhe. Nusen e vëmë ditën e tretë, ne te shtëpisë këndojmë. Është traditë, këngët I këndojmë kur bëjmë Zahirte e dimrit, roshnicat, është gaz në shtëpi“- tha Luljeta Bilo.
Xhemile Caco
” Këtu kur bëhen gjërat, Zahirte, mblidhen shoqëria e këndojnë. Gjithmonë me shoqëri edhe këndojnë. Këngë për bakllavanë, për bajram, për çdo lloj feste. Përherë me festën, edhe për Zahirte bashkohemi e këndojmë”– tha Xhemile Caco.
Eriselda Bilo ka ardhur nuse në Kolonjë dhe tregon se kur hyri me vellon e bardhë, është kënduar njësoj për të. Sot, ajo ka mësuar këngët dhe këndon.
“Kur kam ardhur që kam hapur Petë, kanë kënduar në shtëpi. Kjo është traditë e Kolonjës, zonjat të gjitha këndojnë. Duke qenë se bakllavate bëhen më gra e vajza shumë, të gjitha këndojnë nga pak. Edhe ne do ta ruajmë traditën e Kolonjës duke e vazhduar me të rinjtë e sotëm”.
Çdo ëmbëlsirë shijon, por nga duarartat kolonjare që gatimin e shoqërojnë me këngë, të gjitha gëzimet familjare marrin tjetër kënaqësi
