Zyrat e reja të Administratës së Zonave të Mbrojtura (ADZM) do të marrin një pamje të re dhe moderne, duke e transformuar godinën e ish-Hipotekës në një qendër pune funksionale dhe me infrastrukturë bashkëkohore. Ky investim synon jo vetëm të përmirësojë kushtet e punës për stafin e ADZM-së, por edhe të ofrojë një shërbim më cilësor për qytetarët.
Zyrat e reja do të jenë të pajisura me ambiente të përshtatura për standardet më të larta, duke përfshirë teknologji të avancuar, hapësira të mirë-organizuara dhe lehtësira për stafin dhe vizitorët. Ky transformim do të reflektojë angazhimin për të përmirësuar menaxhimin e zonave të mbrojtura dhe për të promovuar ruajtjen e trashëgimisë natyrore.
Me këtë hap të rëndësishëm, ADZM do të forcojë dhe njëherë rolin e saj si një institucion model në administrimin dhe mbrojtjen e mjedisit.
