Turistët e huaj kohët e fundit kanë shtuar interesin e tyre për fermat e bletarisë dhe drufrutoreve në bashkinë e Korçës
Një grup me turistë gjermanë kanë vizituar njërën prej fermave me të njohura të bletarisë në juglindje të vendit.
Vet turistët tregojnë se për ta kjo nuk është e panjohur, pasi në Gjermani bletrritja është një profesion me vete por ajo çka u bie në sy është trajtimi ndryshe i fermave shqiptare.
“Unë e njoh fushën e bletarisë, kam vet në Gjermani një të vogël, gjermanët janë të njohur për rritjen e bletëve por ju këtu jeni shumë ndryshe. Kosheret i keni me ngjyra, ju i shtegetoni ndersa ne jo”
“Unë vij nga Amerika, nuk e njoh fushen e bletarisë por me tërhoqi shumë kur e pashë në guide dhe doja të vija. E provova dhe ishte shumë i shijshëm. Ju në Shqipëri keni plot gjerë për të treguar”
Shkëlzen Alite është përfaqësues i guidave turistike që operojnë në qarkun e Korçës. Ai tha se gjermanëve u bën përshtypje fusha e bletarisë në Shqipëri por edhe agroturizmi në përgjithësi.
“Deri më sot janë ofruar këto kultura, ca përfaqëson Shqipëria. Turistët e njohin Shqipërine dhe duan të shohin gjëra speciale, përveç detit. Edhe agroturizëm është shtuar interesi, gjermanët e mi kanë shumë interes, kur u themi ne progeam se do vizitojmë fermë bletesh janë shumë të interesuar ”
Ermal Benga, menaxher i një ferme bletarie shprehet se vitet e fundit është rritur interesi i turistëve të huaj për fermat e këtij lloji
“Po bën rreth 4 vite qw turistët kane shfaqur këtë trend te ri, agjencitë e ofrojne këtë shërbim, shumë turistë vijnë e shohin si funksionon bleta. Produktet dhe nënproduktet e saj, të shohin mënyrën si vilet mjalti, hustorikun e saj, I bëjmë një koktej me mjaltë autokton shqiptar, edhe në raki mjalti. Janë të impresionuar, kanë interes, vijnë dhe e shuajnë kureshtjen ”
Turistët e huaj kanë shfaqur interes edhe për të vizituar fermat drufrutore, kryesisht mollëve, turistë që bëhen pjesë e procesit të vjeljes së frutit
