Tushemishti mbetet një nga fshatrat më të kërkuar nga turistët vendas e të huaj. Pas një sezoni më turistë të shumtë në stinën e verës, Tushemishti vazhdon të jetë i kërkuar në muajin shtator e më tej nga turistët e huaj.
Pandeli Llakmani është njeri nga operatorët turistikë të këtij fshati. Ai tregon se sezoni i kësaj vere ka qënë i suksesshëm ndërkohë që edhe për muajin shtator dhe në vijim ka rezervime të shumta me turistë të huaj, të cilët vijnë nga vende të BE, kryesisht gjermanë por e vende të tjera.
Gjatë këtyre ditëve të para të shtatorit grupe nga Gjermania dhe Amerika kanë ardhur për të kaluar disa ditë në fshatin turistik të Tushemishtit por organizojnë guida të ndryshme në zonat më të njohura të Pogradecit.
Ata shprehen se në Tushemisht gjejnë qetësinë, çmimet e arsyeshme, mikpritjen dhe kulinarinë e zonës.
Turistja amerikane
“Jam shumë e lumtur që jam këtu. Kaluam në zonën e Maqedonisë me biçikleta, kemi qenë në disa vende të botës por donim të përfundonim pushimet në Shqipëri”
“Vij nga Anglia, kam 3 jave në Shqipëri, herën e fundit isha në Shkodër tani jam në Pogradec, po kënaqemi shumë, ushqimi po na shendosh se është i shijshëm dhe mikpritja është fantastike. Do rikthehemi perseri”
“Unë jam Majku nga Gjermania, kam 14 ditë në Shqipëri por sot erdhëm nga Vlora për të qëndruar për dy netë ne Pogradec, çmimet janë të arsyeshme dhe nuk është diçka për t’u trembur”
“Kam dy javë në Shqipëri, vij nga Gjermania. Këtu flora dhe fauna është fantastike, natyra magjepsëse, ushqimi i shijshëm, mendoj se bëmë mirë që erdhëm këtu”
Rezervime për muajin Shtator mësohet të ketë dhe në qytetet kryesore të juglindjes së vendit por e në fshatin turistik të Voskopojës. Të njëjtat burime bëjnë me dije se 60% e kapaciteteve akomoduese janë të rezervuara me ditët e para të javës me turistë të huaj
Vetëm bashkia e Korçës ka afro 4000 vende akomodimi përfshirë këtu dhe fshatrat turistikë të Voskopojës e Dardhës ndërkohë që vetëm Tushemishti ka diçka më shumë se 630 vende akomodimi
