Një qoftë se kishte një afrim që vërtet ishte përcaktues krahas të tjerave në lojën e rrjetës tek korçaret ishe amerikania Williams. Ka qenë tek korçaret në sezonin e para dy viteve kur fituan titullin e kampionit dhe rikthehet këtë sezon për të rimarrë përsëri titullin.
Një lojtare universale, me një nivel të kënaqshëm në çdo drejtim duke filluar nga topi i parë dhe një forcë sulmuese si nga vija e parë ashtu edhe nga e dyta.
Por ajo duket se nuk do të jetë më pjesë e korçareve.
Arsyeja sipas Kaynës në deklaratën e saj është: “Do të kthehem në SHBA, kjo për arsye se kam vendosur të krijoj familjen time. Ruaj kujtimet më të bukura nga ky ekip dhe vajzat e kësaj skuadre.
Korça është një qytet shumë i bukur dhe do të ngelet në kujtesën time.” Kështu korçaret do të humbasin një lojtare shumë cilësore që dha një ndihmesë në fitimin e titullit kampion.
