Duket si hyrja në haurin e bagëtive, por në fakt është banesa e familjes Metolli në fshatin Dobranj në bashkinë e Devollit.
Çifti i bashkëshortëve, së bashku me dy fëmijët minoren, janë të detyruar të strehohen në një banesë të dëmtuar nga tërmeti që në vitin 2019. Premtimet e bashkisë të paktën për ta bërë sadopak të banueshme këtë banesë, nuk u mbajtën.
Ashtu sikurse edhe punimet për t’i riparuar tualetin, mbetën në mes. Kryefamiljarin nuk e gjetëm në banesë pasi del çdo ditë me shpresë për të kapur ndonjë punë që të ushqejë fëmijët.
Edhe pse më pakicë, dreka e radhës ishte siguruar disi, një kofshë pule dhe disa patate të skuqura për katër persona dollapert janë bosh, nëpër to nuk ka rezerva ushqimore për muajt në vazhdim.
Sakaq, e zonja e shtëpisë tregon se mes premtimeve dhe realitetit gjendja e tyre ka mbetur e pandryshuar dhe në luftë të përditshme për të siguruar jetesën, nëse streha që kanë mbi krye do të vijojë t’i mbrojë. Banesë e cila nuk ka as xhama në dritare për tu mbrojtur nga i ftohti i dimrit.
Të paktën, bashkia mund t’u kishte riparuar banesën, që të mos rrinë me frikën se do t’i zërë brenda, shirat e vjeshtës dhe bora e dimrit janë para dhe familja ka vërtet nevojë për ndihmë. Mbase astë që nuk e bën shteti e bëjnë njerzit. Kolibri.al është i gatshëm të orientojë këdo që do të ndihmojë per rastin.
