Kryetari i Bashkisë Pogradec, Ilir Xhakolli, ka inspektuar punimet e nisur në fshatin Guras ku po punohet për sistemimin e varrezave publike, zgjerimin e tyre dhe krijimin e të gjitha lehtësirave të mundshme.
Xhakolli kërkoi rivendosjen e ujit menjëherë edhe pse ai ka qenë i vendosur por është dëmtuar nga persona të papërgjeshëm.
Ky zgjerim i varrezave në Guras vjen për shkak të nevojës së shtuar, pasi varrezat e qytetit nuk kanë më kapacitet.
Postimi:
Guras
Kemi nisur nga puna zbatimin e projektit për zgjerimin dhe sistemimin e varrezave publike në Guras. Jemi duke punuar për hapjen e kanaleve për kullimin e ujrave, zgjerimin e sipërfaqes dhe vendosjen e ujit, këtu apeloj që të mos ridëmdohet ashtu siç ka ndodhur më herët.
Po punojmë që të krijojmë një standard të ri edhe në të tilla vende ku prehen të dashurit tanë, ashtu si nuk do lejohet më rrethimi i brendshëm në varreza. Do bëjmë të mundur parcelizimin e tyre, emërtimin dhe rrugicat e lëvizjes në të gjithë sipërfaqen.
