Një 44 vjeçar nga qyteti i Pogradecit drejtonte makinën pa leje drejtimi dhe në gjendje të dehur. Pas lëvizjeve të tij në qytetin e Korçës, i është kërkuar nga Policia të ndalojë por nuk është bindur. Pas ndjekjes nga forcat policore dhe verifikimeve të bëra rezultoi se 44 vjeçari kishte qëlluar dhe një shtetas korçar.
Njoftimi i policisë;
DVP Korçë/Vihet në pranga 1 shtetas për vepra penale të ndryshme.
-Specialistët e Trafikut Urban dhe Interurban të DVP Korçë arrestuan në flagrancë shtetasin N. V., 44 vjeç, banues në Pogradec, pasi tek vendi i quajtur “Rrethrrotullimi i Pazarit”, teksa drejtonte automjetin, nuk i është bindur urdhrit të punonjësve të Policisë, për të ndaluar, dhe është larguar. Shërbimet e Policisë i janë vënë në ndjekje dhe nga verifikimet e kryera pas kapjes, ka rezultuar se ky shtetas e drejtonte automjetin, në gjendje të dehur dhe pa leje drejtimi, si dhe se për motive të dobëta, kishte goditur me grushte, një 35-vjeçar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
