Skënderbeu fiton lehtësisht me Pogradecin në javën e tretë të ndeshjeve të Kupës së Shqipërisë.
Në setin e parë vajzat korçare duke patur sukses me Bego e Vivas në pozicionin dy dhe katër e kanë mbyllur thellë setin me rezultatin 25-11.
E njëjta situatë pothuajse në setin e dytë. Kjo e për atë sepse vajzat liqenore kanë gabuar shumë në pritjen e topit të parë ashtu siç kanë qenë të pasakta në shërbim dhe në pikat goditëse, kryesisht në pozicionin tre.
Ky set është fituar nga Skënderbeu me rezulton 25-15.
Ne setin e tretë vajzat e trajneres Mimoza Shahu janë munduar të ndryshojnë diçka në rrjedhën e këtij seti por e kanë pasur të pamundur pasi dhe ky set është fituar nga Skënderbeu me rezultatin 25-19 dhe krejt takimin 3-0.
Me këtë fitore Skënderbeu vazhdon të jetë në krye të grupit A ndërkohë që këtë javë Skënderbeu e Partizani në volejboll për femra do të luajnë në Kupën “Pavarësia” në Kosovë se bashku me dy ekipe kosovare
