Skënderbeu fiton jo pa vështirësi me ekipin e Pogradecit, skuadër që vjen nga kategoria e parë në kategorinë e më të mirëve të volejbollit shqiptar.
Dy setet e para fitohen nga vajzat korçare, 25-17 dhe seti i dytë me 25-15
Nisur nga dy setet e fituara e diçka më shumë nga mënyra sesi po luante ekipi korcar u mendua se llogaritë me liqenoret do të mbylleshin shpejt. Në fakt nuk ndodhi kështu, kjo e për meritë të volejbollisteve pogradecare, që fitojnë setin e tretë 19-25 duke e shtyrë kështu lojën drejt setit të katërt.
Set ky që ka qenë më i bukuri i kësaj ndeshje, për meritë të vajzave të trajneres Mimoza Shahu, teksa e kanë shtyrë setin deri në pikët shtesë. Falë përvojës por dhe kualiteteve që Skënderbeu ka, kanë arritur të fitojnë setin 26-24 dhe krejt takimin 3-1.
Ekipi i Skënderbeut vinte në këtë përballje pas ndeshjeve të luajtura në Kupën Ballkannike, aty ku kanë zënë vendin e tretë e duke merituar medaljet e bronzta ndërkohë që libere Anxhela Mehmeti është shpallur lojtarja më e mirë e këtij pozicioni.
Fitorja me Pogradecin është pritur mirë nga Orlando Koja por në disa momente të këtij takimi ka dhe rezerva për mënyrën sesi janë shprehur në lojë volejbollistet korçare
