Ky fillim viti vijon ta gjejë juglindjen e vendit me numër të madh vizitorësh. Të shumtë janë ata që i drejtohen fshatrave turistikë e sidomos Voskopojës.
Sipas operatorëve turistikë shumica prej tyre e kanë kaluar ndërrimin e viteve aty dhe kanë preferuar të qëndrojnë edhe më gjatë në ditët e para të Janarit, ashtu si nuk mungojnë edhe të tjerë që kanë ardhur në 1 apo 2 të këtij fillimviti dhe janë nga të gjitha qytetet e Shqipërisë thotë Anton Falo operator turistik.
Edhe për këtë vit fshati i gurtë i Voskopojës i cili nga viti në vit rrit akomodimin dhe shërbimin ka qenë ndër më të preferuarit. Ndërsa ata që kanë mundur të zënë dhoma e kanë rezervuar që në muajin Nëntor të vitit të kaluar. Sot për sot Voskopoja ka 800 njësi akomodimi në hotele, bujtina dhe shtëpi pritëse.
