Veç t’i shohësh kapërdisur,
Tutje oqeanit nisur,
Një taborr me këshilltarë,
Barjam Begajn kanë të parë,
Kanë të parë vetë Presidentin,
Shkojnë t’na nderojnë shtetin.
Shkojnë të gjithë në OKB,
Përfaqësojnë Shqipërinë,
Është me to dhe Zonjë e Parë
Tok me gjithë shoqërinë.
Shoqërinë nga KLSH-ja,
E ka marrë Manda me vete,
S’është shaka, shkojnë për punë,
Mbajnë përgjegjësi mbi vete!
Kushërirën, më të mirën
E ka lënë në atdhe,
Sekretare ballësermanë,
Që çuditi gjithë dynjanë,
Teksa hapi luftë të madhe,
Kundër minjëve nëpër skuta,
Që mos ketë frikë zonja Lusha!
Nga semundjet nga skorbuta!
Eshtë për turp kjo që po bëni,
I nderuar President,
Turpi jot delegacioni,
Me keshilltare edhe per lesht’!
Në s’e njeh, po ta them unë
Që ta dish dhe mend ta mbash,
Se kjo Lili Ismaili
Eshte parukiere grash!
Punë e saj është leshi i kokës,
O kryetar ynë i shtetit,
More udhë për Amerikë,
U bëre gazi i miletit!
Nga Ylli Dylgjeri
