Venezueliania Fabiana Antonella Pesce Silva edhe per një vit tjetër do të jetë lojtare e ekipit të Skënderbeut në volejbollin për femra.
Lajmi është me dije nga trajneri i këtij ekipi Orlando Koja kur tha se organizatorja me e mire e sezonit të kaluar ka lëshuar firmë në kontrate me ekipin korçar.
Gjithashtu Koja ka bërë të ditur se kontratë kanë firmosur edhe Bego, Mehmeti dhe Malaj, duke treguar se skuadra korçare është plotësuar me “pesha të rënda”
Gjithashtu i pari i stolit korçar tha se edhe dy lojtare amerikane janë pranë kalimit tek Skënderbeu ndërkohë që edhe për Kojen, Vivas përfundimisht është larguar nga ekipi i Skënderbeut ashtu janë larguar Gjata e Fasuleva.
Këtë vit ndryshe nga vitet e tjera Orlando Koja do të ketë më shumë vëmendje ndaj volejbollisteve korçare të cilat kanë patur pak hapsire edhe sezonin e kaluar, ndërsa burime të siguruara thanë se dy volejbolliste nga klubi Korça Vollej janë shumë pranë kalimit tek të rriturat e Skënderbeut.
