Nga Pogradeci ku u mbyll edhe fushata elektorale për zgjedhjet e të dielës kandidati i koalicionit “Bashkë Fitojmë” Zini Tollozhina ka sfiduar me një debat televiziv kundërshtarin e tij Ilir Xhakolli. Teksa në fjalën e tij para simpatizantëve demokratë të Pogradecit ka shpalosur pikat e programit të tij, Tollozhina tha se është i gatshëm të përballet në televizonin lokal apo çdo televizion tjetër me kundërshtarin e tij politik. Ndër të tjera Tollozhina ka thënë se do të bëjë të mundur nxjerrjen e Pogradecit nga “errësira” dhe nepotizmi që sipas Tollozhinës e ka kapluar këtë qytet. Tollozhina ka premtuar investime në shkolla, investime në infrastrukturë e turizëm, duke thënë se ka gati programin i cili sipas tij rimëkëmb Pogradecin.
Në këtë takim elektoral mbyllës merrnin pjesë edhe ish Kryeministri Sali Berisha dhe kryetari i PL Ilir Meta. Të dy ata kanë shprehur pakënaqësinë e mënyrës se si është qeverisur Pogradeci duke thënë me zë të lartë se ka qenë i harruar nga qeveria qëndrore.
Dyshja Meta-Berisha e mbyllën fjalën duke thënë se kandidati i tyre dhe vetë ata do të punojnë fort që Pogradeci të ndryshojë dhe të ecë përpara, ndaj bënë thirrje që në 14 Maj Pogradecarët të votojnë masaivisht për të sjellë ndryshimin me Zini Tollozhinën.
kolibri.al
