Të bësh politikë, pse jo në shumë raste edhe duke marrë përsipër zotime që nuk i mban dot është normale në kohët e sotme. Të flasësh gjithashtu për fëmijët, të ardhmen e tyre dhe vizionin që ti ke për ta edhe kjo është e pranueshme. Por të përdorësh fëmijët për numra në fushatë dhe për më tepër në ambjent lokali këtë mund ta bënte vetëm kandidati i djathtë i opozitës së foltores në Pogradec, Ziniu. Në fakt në çdo krah politik ne kemi parë që fëmijët i përdorin për foto në fushatë, gjë e cila sigurisht duhet ndaluar. Por ama ti futësh në lokal, ti ulësh në tavolinë burrash dhe ti bësh të dëgjojnë “pallavrat” e tua politike, kjo është e pafalshme dhe kandidati Zini duhet ta dijë më mirë se Kolibri.al këtë gjë.
Ne duam shumë që ta shohim Ziniun duke i takuar në rrugë fëmijët apo edhe në takim ku të jenë me prindërit, por në takime të formatit shpalosim programin për fëmijët, mbi arsimin, infrastrukturën arsimore, këndet e lodrave, kurset e artit etj etj. Ka kaq shumë gjëra që mund të bësh për fëmijët, por fati i keq e do që ata të ulen me Ziniun dhe të dëgjojnë se çfarë vreri do nxjerrë nga goja ai për kundërshtarin e vet dhe jo programin për fëmijët, nëse ka sigurisht.
Kolibri.
