Pogradec: Zjarri përfshin një ambient lojërash kompjuterike, dyshohet për masë elektrike
Një ambient lojërash kompjuterike në lagjen numër 2 të qytetit të Pogradecit është përfshirë nga flakët pasditen e sotme. Dyshohet se shkak për zjarrin është bërë një masë elektrike në rrjetin e brendshëm të pajisjeve. Në momentin e rënies së zjarrit, brenda lokalit ndodheshin disa të rinj, të cilët fatmirësisht kanë arritur të dalin në kohë pa pësuar lëndime.
Menjëherë në vendngjarje mbërritën forcat zjarrfikëse dhe policia, të cilët po punojnë për izolimin dhe shuarjen e flakëve. Zjarrfikësit po bëjnë përpjekje maksimale për të shmangur përhapjen e flakëve në ambientet përreth dhe për të minimizuar dëmet materiale. Policia po heton shkaqet e ngjarjes dhe dyshimet për probleme në instalimin elektrik të ambientit të lojërave.
Njoftimi i policisë;
Pogradec
Përfshihet nga,flakët një ambient në lagjen numër 2 të qytetit. Dyshohet se shkal është bërë një masë elektrike. Ambienti i përfshirë nga flakët është një ambient lojrash kompjuterike për të rinj.
Policia dhe zjarrfiksja në vendngjarje për izolimin dhe shuarjen e flakëve. Në momentin e zjarrit ka pasur disa të rinj brenda të cilët kanë dalë jashtë pa pësuar lëndime.
