15 adoleshentë të shoqëruar në komisariatin e Korçës lidhur me ngjarjen e një nate më parë ku ngeli i plagosur rëndë në kokë me sende të forta 14 vjecari me inicialet F.P.
Të gjithë të shoqëruarit po merren në pyetje në prani të psikologut por deri tani policia nuk ka shkuar tek autorët, kjo e për atë sepse bashkënoshataret e 14 vjeçarit ndryshojnë herë pas here deklarimet e tyre
Ngjarja sipas policisë ka zanafillën në rrjetet sociale për të vijuar me pas me një përleshje masive mes dy grupe adoleshentesh, ngjarje që ka ndodhur në bulevard “Republika” në afërsi të lulishtes “Themistokli Gërmenji”.
Nga përleshja me mjete të forta përfshi dhe shkopinjtë ka mbetur i plagosur rëndë 14 vjecari F.P i cili pasi ka marrë ndihmën e parë mjekësore në spitalin e Korçës, është nisur urgjent i intubuar drejt spitalit të Traumës në kryeqytet.
- Pista e vetme ku policia po heton është ajo e motiveve të dobëta.
