Kryeministri Edi Rama deklaroi dje se bonusi i fundvitit për pensionistët, do të variojë nga 100 në 150 euro, në varësi të vlerës së pensionit që çdo individ aktualisht përfiton.
Pensionistët e Korçës janë të kënaqur me këtë shpërblim që ofron qeveria, por ata theksojnë se ndihma duhet të jetë e vazhdueshme dhe e konsiderueshme, sidomos për ata që kanë pensione më të ulëta.
Me shpërndarjen e këtij bonusi dhe me krijimin e fondit të bonuseve të pranverës, qeveria po synon të lehtësojë ngarkesën e përditshme të pensionistëve, duke siguruar një përmirësim të ndjeshëm të kushteve të jetesës për këtë kategori të shoqërisë.
