Pas 7 ditësh shuhen zjarret në masivin pyjor të Bodesë në njësinë administrative Lozhan të bashkisë Maliq.
Për shuarjen e flakëve në këtë masiv kanë qenë të angazhuar forca të shumta të shërbimit zjarrfikës, shërbimit pyjor, forcat e ushtrisë të qarkut Korçë si dhe banorë të zonës, të cilët pas 7 ditësh ja kane dale për të shuar plotësisht vatrat e zjarreve.
Burime zyrtare bëjnë me dije se janë djegur plotësisht 160 hektarë me pishë, ah dhe bimësi të ulët.
Zjarri mendohet se mund të ketë ardhur nga kushtet atmosferike të pak ditëve më parë por policia është duke hetuar cila mund të ketë qenë arsyeja e këtij zjarri.
