Mbi 2.4 milardë lekë do të jetë buxheti i bashkisë Korçë për vitin 2025. Krahasuar me buxhetin fillestar të vitit 2024, buxheti i vitit të ardhsëm është 10% më i lartë. Përmes këtij buxheti sipas kryebashkiakut Sotiraq Filo, do të realizohen një sërë projektesh shumë të rëndësishme ku shtyllat kryesore do të jenë turizmi, bujqësia, teknologjia dhe edukimi.
Gjysma e këtij buxheti, pra 50% është nga buxheti i vetë bashkisë i cili mundësohet nga të ardhurat nga taksat dhe tarifat vendore si dhe institucionet e varësisë, ndërkohë që pjesa tjetër e tij është nga buxheti i shtetit, donacionet, si dhe burime të tjera të parashikuara në ligj.
