22 Maji është shpallur Dita Ndërkombëtare e Biodiversitetit, e cila festohet për të rritur ndërgjegjësimin lidhur me rëndësinë e Biodiversitetit dhe nevojën për të mbrojtur dhe ruajtur të gjitha format e jetës në planetin tonë.
KRWM u bashkua me aktivitetin ndërgjegjësues të organizuar nga Departamenti i Biologji-Kimi-së, Fakulteti i Shkencave Natyrore dhe Shkencave Humane, Universiteti Fan.S.Noli, mbi mbrojtjen e mjedisit.
Studentët kishin realizuar punime me materiale të ripërdorshme, prezantime mbi rëndësinë e Biodiversitetit dhe gjithashtu pastruan një territor të ndotur në qytetin e Korçës duke dhënë mesazhe sensibilizuese për mbrojtjen e mjedisit, të cilat i kishin përgatitur nëpërmjet disa pankartave.
Punimet e tyre dëshmojnë se çfarë mund të arrihet kur kreativiteti bashkohet me vetëdijen për mbrojtjen e mjedisit.
