Policia Rrugore në Korçë ka arrestuar në flagrancë shtetasin Fransi Gurra, 23 vjeç, banues në Korçë, pasi u kap duke drejtuar automjetin e tij pa leje drejtimi.
Gjatë një patrullimi rutinë në qytet, shërbimet e Policisë ndaluan automjetin që drejtohej nga i riu dhe gjatë verifikimit rezultoi se ai nuk zotëronte leje drejtimi. Përveç shkeljes ligjore, drejtimi i automjetit nga persona pa patentë përbën një rrezik të shtuar për sigurinë rrugore.
Njoftimi i policisë;
Sektori i Policisë Rrugore arrestoi në flagrancë shtetasin F. G., 23 vjeç, banues në Korçë, pasi u kap duke drejtuar automjetin, pa leje drejtimi.
Materialet lidhur me këtë shkelje i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për ndjekje të mëtejshme penale.
