24 studentë të cilët ndjekin programet prioritare do të përfitojnë një pagë minimale mujore.
Një gjë e tillë bëhet me dije nga Artur Prifti, përgjegjësi i zyrës së kurrikulave kur tha se pagën minimale e kanë përfituar 24 studentë në 10 programe studimi, 9 prej të cilëve janë në fakultetin e bujqësisë duke qënë kështu fakulteti me numrin më të madh të kuotave të fituara.
15 kuotat e tjera janë të shpërndara në fakultetet e tjera të këtij universiteti.
Prifti ka bërë me dije se përzgjedhja e pagës minimale për studentët është bërë në bazë të botës mesatare që ato kanë pasur në shkollën e mesme.
Page e cila studenti do ta përfitojë në të tre vitet e sistemit bachelor, gjithnjë nëse studenti nuk rezulton mbetës në një nga lëndët e sistemit bachelor.
Prifti nuk ka bërë të ditur nëse kjo page minimale mbetet për studentët edhe gjatë studimeve Master.
Këtë vit akademik në tre programe studimi vetëm në fakultetin e bujqësisë janë regjistruar 60 studentë, numër ky më i larti i viteve të fundit dhe kjo mesa duket ka ardhur edhe për atë sepse një pjesë e mirë e studentëve kanë menduar se të gjithë të regjistruarit mund të përfitonin gjatë sistemit bachelor këtë page minimale.
Kjo politikë financiare në programet prioritare ka rikthyer studentë edhe në ato programe që kanë pasur një numër të kufizuar studentësh
