28 vjet më parë, 13 nxënës bashkë me mësuesin e tyre nga Starova e Pogradecit humbën jetën tragjikisht në ujrat e liqenit të Prespës teksa lundronin të gjithë në një varkë të vetme. Sot pas kaq shumë vitesh familjarët e këtyre fëmijëve të pafajshëm thonë se nuk ka pasur drejtësi për këtë ngjarje tragjike. Hava Latollari thotë se varkaxhiu është dënuar vetëm 8 muaj burg dhe më pas doli.
“Kishim djalin, Arti Latollarin. E çuam në mëngjes, ishte program mësimor, kishte një muaj që ishin vënë nxënësit do shkojnë ne Voskopojë. Destiancioni u kthye ngaqë bënte Sali Berisha vizitë në Prespë.
2:29 (tek sinkronet) kemi kërkuar, ai i dha dënimin për 8 muaj e nxori varkatarin. Si është kjo punë? Çuditemi. Ne jemi popull qe e ndiejmë. Nuk ka patur drejtësi. Në shtëpinë time janë kaq karta, ata ja hedhin topin njeri tjetrit. Kërkojmë drejtësi. Vetëm ne qajmë për ata. Duam të drejtën tonë. ”
Shpresa Berberi dhe Nurie Muçollari janë dy nëna shpirti i të cilave është djegur nga humbja e fëmijëve, ndërsa çdo 7 Maj janë të vetmit që i qajnë dhe kujtojnë ata pasi askush tjetër nuk bëri drejtësi për ata fëmijë.
“Cupen e kisha 15 vjeçe. Nuk e çova me dëshirë ma morën pa pyetur fare. E rrita me zor. E prisja të vinte në shtëpi, ishte 15 vjeçe. Si u morën pa pyetur nene e baba? Buciste fshati. Prit cupen, hiç. Çfarë u be, vetëm kur erdhi haberi në mëngjes. Ne nuk na del 28 vite, i rritëm me zor, pa këpucë, pa një lek, pa bukë. Aty me rri mendja. Nuk është gjynah te kërkojmë shpirtin e fëmijëve?
“Erdhën nga shkolla na thanë do ikim në Voskopojë, ishim fukarenj, do iki me tha mami, nuk dua të ndahem pe shoqeve. I dhashë 2 mijë lek. Unë ika në Pogradec kur erdha nuk e gjeta. Nga ora 12 erdhën helikopteret, kur na kujtohet ajo skenë, aq sa burri iku në gropë nga mendja tek çupa. ”
Sot për 14 ëngjëjt shkolla e Starovës ka marrë emrin e tyre dhe brenda saj ekziston edhe një klasë muze që paraqet këta fëmijë dhe mësuesin që humbën jetën tragjikisht në ekskursionin shkollor, me shpresë se një ditë do të ketë drejtësi për ta.