Për të dytin vit radhazi në Pogradec do të organizohet maratona ndërkombëtare e vrapit “Marathon Enkelana”.
Kjo maratonë që edicionin e parë e pati vitin e kaluar vit në të cilin mori edhe certifikimin si maratonë ndërkombëtare për 5 vite, pritet që edhe këtë vit të ketë një pjesëmarrje masive nga shumë vende të botës.
Organizatorët thonë se vitin e kaluar ishin mbi 600 garues nga 25 vende të botës, përfshi profesionistë dhe amatorë. Martathon Enkelana zhvillohet në dy gjatësi në atë 21 km dhe atë 10 km. Për garën 21 km nisja bëhet nga fshati Lin drejt Pogradecin, ndërsa ajo 10 Km do të zhvillohet Pogradec-Buçimas dhe drejt qendrës.
Interesante këtë vit është edhe maratona e fëmijëve nga mosha 1-15 vjeç e cila do të zhvillohet më 28 Korrik.
Regjistrimi për në këtë maratonë bëhet në faqen zyrtare www.marathonenkelana.run.
Këtë vit krahas shumë vrapueseve nga vendi, Kosova, Greqia dhe Maqedonia pjesë është edhe kampionia Luiza Gega, ajo do të nisë stërvitjen në Korçë për të qenë gati më 29 Korrik.
Maratona parashikon edhe shumë çmime për fituesit dhe pjesëmarrësit e moshave.
