Personat me aftësi të kufizuara nuk paragjykohen më sa më parë ashtu si mundësia e tyre për t’u punësuar duket të jetë me më pak dhimbje koke për këtë kategori.
Sajmir Mekolli, person me kufizim të shikimit nga Pogradeci, thotë se kjo kategori personash nuk duhet të dorëzohet, por të arsimohen si forma e duhur që ata të jenë të dobishëm për veten dhe shoqërinë. Edhe pse ne fillimet e tij, me veshtirësi, Sajmiri ja ka dalë të punësohet dhe të japë kontributin e tij.
Sajmiri thotë se në shumë raste kategoria e personave me aftësi të kufizuara mund të jenë parë si të padobishëm dhe janë paragjykuar kur në fakt është krejt e kundërta.
Sot në Ditën Ndërkombëtare të Personave me Aftësi të Kufizuara Sajmiri apelon që kjo shtresë e shoqërisë të mos i humbasë shpresat, por të vijojë përpjekjet për të ecur përpara.
Vetëm në bashkinë e Pogradecit janë të punësuar 3 persona me aftësi të kufizuara, në sektorin e shërbimeve dhe teknologjisë, ndërkohë që edhe ligji e parashikon qartë që në 25 të punësuar 1 prej tyre duhet të jetë me aftësi të kufizuara.
