Korçë – Një ngjarje shqetësuese është raportuar në fshatin Bulgarec, ku një burrë dyshohet se ka ngacmuar seksualisht një të re.
Sipas njoftimit të Drejtorisë Vendore të Policisë Korçë, Z. C., 38 vjeç, banues në Bulgarec, është proceduar penalisht pasi akuzohet për ngacmim seksual ndaj një shtetaseje 28-vjeçare.
Materialet procedurale lidhur me këtë rast janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Policia njofton se po hetohen të gjitha rrethanat e ngjarjes, ndërkohë që apelon ndaj qytetarëve të raportojnë çdo rast dhune apo ngacmimi për të garantuar sigurinë dhe mbrojtjen e individëve.
