Shtohen rastet e personave që marrin metadon çdo ditë pranë drejtorisë vendore të shëndetit publik të Korçës.
Sipas infermieres se kësaj qendre, Marinela Fustanja, çdo ditë marrin metadon deri në 110 persona të moshës 18-45 vjeçare. Sipas saj kohët e fundit janë shtuar se tepërmi rastet e rikthimit prej shumë vitesh për marrjen e metadonit dhe ajo që është më kryesorja, rikthimet vijnë nga zonat rurale.
Sipas Marinelës ky numër mund të jetë më i madh në ditë të veçanta, e gjithë kjo varet edhe nga dëshira e tyre për t’u paraqitur pranë qendrës.
Vetëm gjatë kohëve të fundit nga ana e drejtorise të policisë së qarkut të Korçës ka patur aksione të shumta me të arrestuar si kultivues, shpërndarës përdorues të lëndëve narkotike të forta.
Dy javë më parë policia e Korçës ka arrestuar dhe proceduar me tepër se 40 persona për trafikim të lëndëve narkotike.
