Prej 4 ditësh banorët e fshatit Libonik në bashkinë e Maliqit vuajnë mungesën e ujit të pijshëm.
Teksa temperaturat shënojnë 38 gradë cencius, situata për ta është tejet e vështirë, duke mos marrë as shpjegime mbi këtë problematikë.
“Të bjerë një zjarr nuk kemi ku të shkojmë, të sëmuremi skemi ujë të ngjallemi. Më parë kishim nga 24 orë ujë, tani pse e presin? Për çfarë arsye e presin? Thonë jo po ka difekt, jo po vaditin. Po vaditen gjobiti 5 milion dhe e mbledh mendjen. Skemi ujë fare.” – thotë njëra nga banoret.
Afro 2500 banorë prej 4 ditesh u duhet të përballen me situatën e vështirë te mungesës së ujit ndërkohë që të pyetur nga Kolibri.al drejtoria e Ujësjellës Kanalizimeve në Korçë pranon problematikën, e cila sipas tyre vjen për shkak të një defekti në një nga pompat kryesore që furnizon këtë fshat.
