Mbushet 1 vit që Papu Vasili i mungon Kishës së Shën Mërisë dhe besimtarëve ortodoksë në Pogradec.
At Vasili lindi në 10 tetor në vitin 1946 në qytetin e Pogradecit nga prindër shumë besimtare ortodokse.
Tradita e besimit të krishterë ortodoksë fillon me gjyshin dhe babain e tij të cilët kanë sherbyer në kishat e qytetit të Permetit. Vite më vonë në Pogradec.
I ati i At Vasilit shërbeu si administrator dhe psalltës të kishës në Pogradec dhe kishës së Shën Marenës për vite më rradhë ku u shqua për mbarvajtjen e punëve dhe ngritjen ekonomike të manastirit.
Në vitin 1990 me hapjen e kishave At Vasili i përkushtohet rrugës për rindërtimin e kishës së qytetit Fjetja e ShënMarisë mbasi mbaroi seminarin Teologjik në Durrës .
Me punën e përpjekjet e tij të mbështetura edhe nga hirësia e tij Imzot Anastasi Kryepiskop i Tiranës, Durrësit e gjithë Shqipërisë dhe hirësisë së tij Joan Pelushi Peshkop i dioqezës së Korçës.
Këshilli i kishës dhe komuniteti bëri të mundur që të gëzojë këtë kishë të mrekullueshme.
At Vasili me urtësinë e tij, sakrificën kreu e mëshiroj gjithë dashurinë për Zotin.
I vlerësuar nga pushteti i kishës dhe i besimtarëve si një nga klerikët më të përkushtuar për realizimin e ëndrrës për ta bërë besimin e prekshëm.
At Vasili ndërron jetë në vitin 2022.
Ikja e tij e parakohshme sigurisht që la mirësi e dashuri të madhe për rrugën e ndjekur.
