Korçë, 300 banorë të fshatit Belorta pa ujë të pijshëm! Ujësjellësi i dëmtuar tre muaj më parë nga përmbytjet
Një ndër fshatrat më të mëdha në Korçë, Belortaja me 300 banorë nuk furnizohet me ujë prej 3 muajsh. Banorët kërkojnë nga bashkia të rregullojë rrjetin ujësjellës që u dëmtuan nga përmbytjet në qershor
Në rubinetat e shtëpive nuk rrjedh ujë.
Në fshatin Belorta të Korçës, banorët nuk furnizohen me ujë që prej qershorit të këti viti, kohë kur u dëmtua ujësjellësi për shkak të përmbytjeve dhe rrëshqitjes së tokës.
Kanë kaluar tre muaj dhe tubacionet nuk janë riparuar, duke lënë në mëshirë të fatit 300 banorë të fshatit Belorta.
” Nuk kemi ujë të lajmë, s’kemi ujë të pimë pa le të tjerat pasi kemi bagëti etj. Nuk kemi ujë as të lajmë, u qelbëm”, thotë një banore e zonës.’- u shpreh banori.
Teksa tregojnë vështirësitë e përditshme, banorët thanë se jetojnë si në mesjetë, duke mbushur ujë në burime apo duke e blere me bote.
‘Kemi problem të madh me ujin gjithë fshati. Kur vjen puna tek depoja e ujit na thonë është prishur saraqineska na thonë. Jo vete 300 mijë , jo vete aq . Le ta blejmë të gjithë si fshat. Nuk ve dorë as Bashkia dhe as komuna. Ne po vuujmë. Të vuash për ujë në 2023 është turp!’- tha një banorë.
Fshati Belorta ujësjellsin e ka në vetëmenaxhim dhe një problem kaq të madh nuk mund ta zgjidhin me të ardhurat e tyre ndaj kërkojnë që që menaxhimi të kalojë në bashkinë Korcë
