Banorët e fshatit Libonik kanë protestuar ditën e sotme ndaj një fabrike të përpunimit të vajrave të përdorur, e cila ndodhet brenda zonës së banimit.
Sipas banorëve era e rëndë që vjen nga fabrika dhe tymrat që çlirohen nga përpunimi i këtyre vajrave është shumë i rëndë dhe i dëmshëm për shëndetin e tyre.
Prej dy vitesh janë ankuar në institucione të ndryshme lokale por problemi nuk ka marrë zgjidhje.
Nga ana tjetër administratori i kësaj fabrikë Julian Sulioti është shprehur se fabrika ka një teknologji moderne dhe gjatë gjithë kësaj kohe i është nënshtruar kontrolleve të imtësishme e çdo gjë ka qenë brenda parametrave të kërkuar.
Administratori pranon se ndihet erë por nuk është e dëmshme për shëndetin. Ai ka siguruar se shumë shpejt do të vendosë dhe një filtër shtesë.
Kjo fabrikë prej 4 vitesh ushtron aktivitetin e saj në fshatin Libonik të bashkisë së Maliqit.
