Punimet në aksin rrugor Maliq-Lozhan i Ri-Strelcë po ecin me ritme të mira me synimin për të përfunduar në verën e vitit të ardhshëm.
Pothuajse në të gjithë aksin ka përfunduar shtresa e parë e asfaltit dhe po punohet për përfundimin e ndërtimit të veprave/urave përgjatë segmentit.
Kjo ndërhyrje përveçse do të përmirësojë ndërlidhjen e komuniteteve të kësaj zone me qendrat urbane, do të nxjerrë në pah edhe një itinerar të ri rrugor, që kalon përmes një peizazhi të bukur, duke nxitur një perspektivë të re për turizmin natyror në këtë zonë.
