Janë mbyllur ndeshjet e kësaj jave në futboll për kategorinë e dytë.
Pogradeci fiton në shtëpi me Oriku me gol të Shkullakut në minutën 74 por me humbje i mbyllin takimet maliqarët dhe devollinjtë.
Te parët kanë humbur në transferte me Butrintin me rezultatin e thellë 4-1 ndërsa të dytët janë mundur në shtëpi nga Turbina me rezultatin 2-3.
Pas javës së 14 pogradecarët rikthehen në krye të renditjes me 36 pikë, dy më shumë se Luftëtari, por gjirokastritët kanë një ndeshje me pak.
Duke parë renditjen vëren se Bilishti ka zbritur në një zonë të rrezikshme me vetëm 12 pikë pas 13 ndeshjeve të luajtura, çka do të thotë asnjë pikë për ndeshje, që akoma më tej do të thotë se devollinjtë rrezikojnë jo pak largimin nga kategoria.
Pas humbjes së kësaj jave maliqarët vazhdojnë të jenë në vendin e parafundit me 5 pikë, skuadër që ka shkelur pothuajse kategorinë e tretë.
Këtë javë pogradecarët janë pushim, ndërkohë që Luftëtari luan me Turbinën në transferte, ndeshje tejet e vështirë për ta.
Maliqarët kthehen në shtëpi për të pritur Labërinë, skuadër që nuk është ajo e sezoneve të fundit, çka do të thotë se ka gjasa që skuadra e trajnerit Erjon Beqiri të rikthehet tek fitorja.
