Pas disa ditësh zhurmë në rrjetet sociale dhe median e shkruar mbi situatën e ndodhur në familjen mbretërore shqiptare ka reaguar Elia Zaharia.
Ajo shprehet mirënjohëse dhe falenderuese për të gjithë ata që e mirëkuptuan. Po ashtu ajo ndihet mirënjihëse edhe për aktorët të cilën ndërmorën nisëm e peticionit për heqjen e videos nga media sociale.
Postimi i saj në facebook;
Miq dhe dashamirës,
Ndjej dhe dëshiroj të shpreh mirënjohjen time më të thellë për mbështetjen dhe kurajon që më keni dhënë përgjatë këtyre ditëve kaq shqetësuese për mua dhe familjen time! U jam falenderuese të gjithë atyre që u ulën dhe më shkruan fjalë zemre, atyre që kuptuan dhe ndjenë dhimbjen time! Artistë të shquar e të nderuar të vendit tim, nga brezat që na kanë bërë e vazhdojnë të na bëjnë krenarë e që janë një pasuri kombëtare, deri te brezat e rinj të artit e kulturës në vend, u bashkuan në një peticion sensibilizues në mbështetje të një dinjiteti njerëzor! Ju jam përulësisht mirënjohëse, deri në lot! 🤍
Kujtojmë që Elia Zaharia u bë virale në median sociale si pasojë e një videoje ku shihej se po i kërkonte llogari bashkëshortit të saj, Leka Zogut, mbi dhunën që kishte ushtruar ndaj babait të saj.
Po ashtu, çifti ka marrë urdhër mbrojtjeje dhe janë në proces divorci.
