Policia e Korçës ka arrestuar dy bashkëpunëtorët e Spartak Çelës, i akuzuar për ngjarjen e një ditë më pare ne fshatin Buzaishtë të Pogradecit.
U arrestuan Aleks Hyko dhe Bardhosh Hyko.
Të dy bashkëpunëtorët e arrestuar sipas policisë kanë ndihmuar Çelën me një mjet për largimin e tij nga vendi i ngjarjes.
Policia gjithashtu ka zbardhur dinamikën e ngjarjes së ndodhur me shoferin e një grupi task force ardhur nga Tirana për kontroll të familjeve me ndihmë ekonomike në fshatrat e njësisë administrative Velcan të Bashkisë së Pogradecit.
Sipas policisë, 39 vjeçari Spartak Çela person në kërkim prej dy ditësh për një ngjarje të mëparshme nën kërcënimin e armës i ka kërkuar shtetasit V.I 54 vjeç ti dorëzojë dy celularet dhe orën e dorës, gjë e cila nuk është pranuar nga drejtuesi i mjetit të task forcës.
Policia është vënë në kërkim të 39 vjecarit Çela por deri tani nuk ka arritur ta vendosë në pranga.
Çela prej dy vitesh fshihet në zonën e Velcanit pasi kërkohet nga policia si i akuzuar për vrasjen me dashje të mbetur në tentativë.
