Festa e birrës në Korçë, Këshilli bashkiak miraton financimin 150 milion lekë për këtë edicion.
Këshilli bashkiak i Korçës, në një mbledhje jashtë rradhe të tij, krahas çështjeve të tjera të rendit të ditës ka diskutuar dhe më pas miratuar fondin për festën e birrës.
Për këtë vit, është kërkuar nga bashkia e Korçës një financim 150 milion lekë të vjetra që do të menaxhohet nga Qendra e Artit dhe Kulturës për mbarëvajtjen e këtij aktiviteti.
Autoritetet e bashkisë sqaruan për këshiltarët se shpenzimet për festën e birrës po vijnë në rritje nga viti në vit si për pagesat e këngëtarëve dhe artistëve pjesmarrës, programin artistik, skenën etj.
Festa e birrës që është parashikuar të zhvillohet në datat 14-18 gusht sërish në sheshin e terminalit të autobuzave. Këtë vit sipas organizatorëve ka risi lehtësimin e hyrjes pa biletë për çdo të interesuar të argëtohet në netët e zhvillimit të saj.
