Bashkia Korçë është përzgjedhur si një nga bashkitë pilot për zbatimin e politikës kombëtare të energjisë. Gjatë një konsultimi publik të organizuar nga Bashkia Korçë dhe Këshilli Bashkiak, me pjesëmarrjen e aktorëve lokalë dhe përfaqësuesve të shoqërisë civile, u prezantua Plani Vendor i Veprimit për Energjinë dhe Klimën për periudhën 2023-2040, në bashkëpunim me Projektin e Bashkive të Energjisë së Zgjuar.
Ky plan tregon kontributin e bashkisë në arritjen e objektivave kombëtare për kursimin e energjisë, zgjerimin e energjisë së rinovueshme dhe reduktimin e emetimeve të gazeve.
